Subscribe në "Mira Kazhani" në YouTube Channel: https://www.youtube.com/@mirakazhani Për më shumë vizitoni: https://www.tiranapost.al/ Na ndiqni në Facebook: https://www.facebook.com/tiranapost.al Na ndiqni në Instagram: https://www.instagram.com/post.tirana/ Na ndiqni në Spotify: https://open.spotify.com/show/57q7lSFetRUhvc1hHVdk7e Na ndiqni në Tiktok: https://www.tiktok.com/@zememirenpodcast Ky episod qëllon në ditën e 8 Marsit. Unë nuk e mbaj veten për ndonjë feministe të madhe, sepse besoj që në jetë ka njerëz, ka profesionistë, ka ëndërrimtarë, ka të ftuar që dua t`i dëgjoj, pavarësisht gjinisë. Do doja të isha e drejtë, më shumë sesa një recituese e asaj që e pëlqejnë ta dëgjojnë të gjithë. Duhet të dalim nga kuadrati – e them shpesh. Duhet të respektojmë të aftin, të drejtin, inovatorin, këmbëngulësin, njeriun, por ama unë e kam ndërtuar një portal dhe një podcast që audienca i anon pak nga gratë, sepse jam grua dhe vetvetiu mendoj, ndjej, vendimet i marr, si një grua. Të jesh grua është “biznes” shumë i vështirë. Sa herë shoh gratë e Hollivudit, të veshura bukur, të lyera dhe krehura nga artistët më të mirë të bukurisë. Të dashuruara nga burrat më të bukur të botës dhe them me vete: Po këto, vërtet e kanë që ankohen se vuajnë? Ama kam kuptuar me kohën se pas çdo shkëlqimi, ka edhe vuajtje. Nuk i gjykojmë dot vuajtjet. Secili triumfon apo lëngon, në botën e vet. Gratë, gjithmonë do ta kenë më të vështirë jetën. Pavarësisht se ku jetojnë dhe ku punojnë. Edhe pse një erë e mirë po fryn për ne, prapë druaj të them se është vetëm dekor. Kur një grua ia del, i gjejnë lloj-lloj bishtash. Kur një grua humbet, e kryqëzojnë dhe fatkeqësisht mendoj se nuk jemi luftuar vetëm nga burrat, por po aq, paragjykimi, ka buruar edhe nga vetë gratë që nis e zë fill që me atë edukimin përulës në shtëpitë tona. Nuk po fajësoj mamin këtu, përkundrazi, i them që e dua shumë. Për të gjitha këto që rreshtova, kam dashur t`u jap pak më shumë zë grave në podcast dhe në portal. E kam bërë këtë, edhe duke zgjedhur burra që ke dëshirë t`i dëgjosh, sepse bota nuk është dhe nuk do doja të ishte bardhezi. Sot sigurisht që kam zgjedhur një grua. Një grua konfidente do thoja për parantezë. Jonida Lakuriqi! #jonidalakuriqi #mirakazhani #vodafone #8mars

• published: 08 Mar 2024
• views: 15850